Миллий ривожланиш ғояси
Анвар Бўронов
Абдужалил Бойматовнинг коррупцияни миллий ғоя қилиш ҳақидаги мақоласини қизиқиш билан ўқиб чиқдим. Албатта, коррупция жамиятимизнинг асосий муаммоси ҳисобланади ва жамиятнинг олға интилишини бўғади. Коррупция ривожланишни тўхтатади, одамларни лоқайд ва манқуртга айлантиради. Шунинг учун ҳам коррупция миллий ғоянинг асосий принципларидан бири бўлиши зарур. Шу билан бирга, миллий ғоя яна бир неча вазифаларни ва барча ижтимоий қатламларнинг интилишларини ўзида акс эттириши керак. Мен ўзбек халқининг ғояси сифатида миллий ривожланиш ғоясини таклиф қилган бўлар эдим.
Ўзбек жамиятида миллий ривожланишни амалга ошириш қуйидаги 4 та асосий вазифаларни ўз ичига олиши зарур:
1) Коррупцияга қарши курашиш;
2) Ривожланган мамлакатларнинг илғор технологияларини ўрганиш ва Ўзбекистонда тадбиқ этиш;
3) Барча соҳаларда эркин бизнесни йўлга қўйиш;
4) Диний эркинликни таъминлаш.
Бу масалалардан энг муҳими албатта коррупциага қарши курашдир. Коррупцияга қарши курашмасдан туриб биронта ишни муваффақиятли амалга ошириб бўлмайди. Халқнинг қашшоқлиги коррупциянинг даражасига бевосита боғлиқлиги исботини топиб бўлган. Шунинг учун, коррупцион амалдор устидан ижтимоий назоратни таъминлаш керак ва коррупцион фаолиятдан йиғилган маблағнинг ҳаракатланиш механизмини кенг оммага етказиб бериб туриш лозим. Коррупцияга қарши курашиш хавф-хатарларга тўла ва бу курашни амалга ошириш учун барча эркин фикрловчилар ҳаракат қилишлари зарур. Энг асосийси коррупцияга қарши курашувчиларга маънавий ва моддий ёрдам бериб туриш керак. Моддий ёрдамни халқаро ташкилотлардан олишни ташкиллаштириш ўта зарур.
Ҳамма нарсани малакали кадрлар ҳал қилади. Иқтисоднинг ўсишини таъминлайдиганлар фақатгина ўз соҳасининг билимли ва ривожланган мамлакатларда таълим олган ёшлар бўлади. Иқтисодиётни мутахассисликлари тўғри келмайдиган, калтафаҳм таниш-билиш орқали юқори лавозимларни эгаллаган кишиларнинг бошқариши мамлакатни жар ёқасига олиб келиб бўлди. Ривожланган ғарб давлатларининг илмий-технологик ютуқларини ва инновацион маҳсулотларини ишлаб чиқаришни мамлакатга жорий қилиш керак. Рақобатбардош инновацион маҳсулотларнинг Ўзбекистон иқтисодининг устунлигини таъминлайди. Арзон ва эски ускунларнин сотиб олиш билан иқтисодиётни ҳеч қачон ўнглай олмасликни ишбилармонларга тушунтириш зарур.
Ҳозирги абгор иқтисодий аҳволни фақатгина эркин бизнесгина қутқара олади. Ҳозирги мавжуд ҳукумат ўзининг ахмоқона иқтисодий сиёсати орқали мамлакатни жар ёқасига олиб келиб бўлди. Ойлик маошлар йўл кира ҳаққига базур етадй. Меҳнат бозорининг контрол қилиниши халқни қулликка олиб келди.
Барча дин вакилларига ўз динига эркин эътиқод қилиши таъминлашишига эришиш керак. Эътиқод эркинлиги иқтосодий ўсишга ижобий таъсир қилиши илмий асосини аллақачон топган. Эркин жамиятларда дин вакиллари сиёсатга аралашмайдилар. Дин ва давлат бир-биридан алоҳидадир.
Юқоридаги вазифаларни амалга ошиши учун ҳар бир ўзбек интилса ўзбек халқини қашшоқликка етиб келган даражасини ўнглаш мумкин бўлади. Ҳар қандай халқнинг таназзулини миллий ғояларгина қутқариб қолган.
www.yangidunyo.com
Loading ...